Peci dorëzohet para presionit publik: Anulon grantet për këshilltarin e tij dhe
Një numër qytetarësh mblidhen në stacion, por autobusët drejt Beogradit nuk mbushen
Këto ditë është rikthyer tema e ikjeve masive të qytetarëve nga Kosova. Nëse vizitoni stacionin e autobusëve në kryeqytet të krijohet përshtypja se ikja po ndodhë në të vërtetë. Mirëpo, në fakt deri tani nuk ka ikje të mëdha të qytetarëve.
Një gjë e tillë pohohet nga përgjegjësit e stacionit të autobusëve si dhe pronarët e kompanive të linjave për në Serbi. Deri tani ata po operojnë më linja normale.
Drejtori i Stacionit të Autobusëve Ylber Çitaku ka thënë se numri i personave që mbrëmë kanë udhëtuar nuk ka ndryshuar shumë në krahasim me javën e kaluar. Ai ka thënë se mbrëmë janë shitur 15 bileta më shumë se javën e kaluar.
Ai thotë gjithashtu se njerëzit po shkojnë aty nga kurreshtja.
Sonte nga stacioni i autobusëve në linjat për në Beograd janë nisur dy autobusë, siç ndodhë zakonisht, shkruan Gazeta Metro. Asnjëri nga ta nuk ishte i mbushur plot me udhëtarë.
Rreth 90 për qind të të pranishmëve në stacion janë kureshtarë nga raportimet në media dhe kanë ardhur për të parë “ikjen masive”.
Të pyetur se pse gjenden aty në këto orë të vona, ata thonë se kanë ardhur për të shikuar gjendjen, e disa edhe pranojnë se duan të marrin informata sepse së shpejti duan të ikin nga vendi.
Policia e Kosovës gjatë ditës së djeshme tha se nuk ka informata se ka një eksod të ri në vend.
