Ja kur mbahet seanca për zgjedhjen e kryetarit të Kuvendit dhe të Kryeministrit!

Pas arritjes së koalicionit qeverisës PAN- AKR pritet që brenda pak ditësh të thirret seanca për konstituimin e kuvendit.

Gazeta Blic merr vesh se sipas të gjitha gjasave të martën, pra nesër mund të thirret seanca për zgjedhjen e kryetarit të Kuvendit.

Ndërkaq, të mërkurën mund të mbahet seanca për zgjedhjen e Qeverisë së drejtuar nga Ramush Haradinaj.

Po ashtu edhe  nënkryetari i Partisë Demokratike të Kosovës, Enver Hoxhaj ka thënë  se për seancën konstituive do të koordinohen me partitë politike.

“Do të jemi në proces të konsultimit me të gjitha subjektet politike dhe me procedurat në fuqi të Kuvendit dhe besojë që për një kohë të shkurtë do t’iu informojmë se kur do të mbahet. Por, natyrisht që ky nuk është proces se çfarë e them unë, duhet me pas një koordinim.”, ka thënë Hoxhaj

“Nuk flasë me datë ose me ditë, sapo dola prej takimit me kryetarin Veseli, kryeministrin Haradinaj, z. Limaj dhe Pacollin ku edhe u nënshkru marrëveshje. Tash besojë se do të takohemi dhe do të koordinohemi për më shumë”, ka shtuar ai.