Kultivuesit e mjedrës në Podujevë ankohen për çmimin e ulët në treg, paralajmërojnë heqje dorë nga kjo kulturë (Video)

Këtë vit ka vazhduar të bie çmimi i mjedërs, bujqit të cilët tashmë nuk janë të pakt, që e kultivojnë këtë kulturë, shprehen të zhgënjyer. Ata thonë se nëse nuk përmirësohet çmimi, do të detyrohen të heqin dorë nga kultivimi i saj.

Shefqet Blakçori nga fshati Letanc i Podujevës, para një viti kishte lënë Italinë për mjedrat e Kosovës. Ai mbolli 60 ari vitin e kaluar, por thotë se është i zhgënjyer me çmimin e tregut, dhe kjo e ka shtyrë që të heq dorë nga kultivimi i mjedrës.