Ja sa do të kushtojë bileta e trenit nga Beogradi në Mitrovicë

Shefi i Zyrës së Kosovës në Serbi, u ka thënë gazetarëve se ai nuk sheh asnjë problem të qarkullimit të trenit serb në Kosovë, duke e krahasuar si të njëjtë qarkullimin e autobusëve nga Shqipëria për në Kosovë, shkruan Indeskonline.

Kur u pyet se nëse Serbia do ta zbatojë reciprocitetin në qoftë se trenit i ndalohet hyrja në Kosovë, Gjuriq ka thënë se nuk duhet ndaluar kjo lëvizje sepse përbën të lirisë së lëvizjes.

Në uebfaqen e Qeverisë së Serbisë thuhet se kjo linjë e trenit do të bëhet e rregullt, edhe pse fillimisht është nisë të jetë si promovuese e vlerave.

“Nga 20 janari deri më 26 shkurt do të jetë vetëm linjë promovuese, më pas do të lëshohet për linjë të rregullt”, shkruan Qeveria serbe, transmeton Gazeta Express.

Treni do të operojë itinerarin Beograd-Mladenovac-Lapovo-Kragujevac-Kraljevo-Rashka-Mitrovicë.

Gjuriq ka thënë se kostoja totale e trenit është 18,000 euro, të cilat u paguan nga Rusia.

Ai tregon se biletat nga Beogradi në Prishtinë janë rreth 2800 dinarë.