Vdes mamia llapjane Sanije Topanica, iu ndihmoi grave në lindje gjatë luftës
Katër deputetë të VV’së shpërfillin afatin e Kuvendit për regjistrim
Deputetët e zgjedhur të Kuvendit të Kosovës, nga Lëvizja Vetëvendosje, Albin Kurti, Liburin Aliu, Shqipe Pantina dhe Faton Topalli, nuk kanë bërë akoma regjistrimin e tyre.
Përmes një postimi në llogarinë e tij në facebook, zëdhëndësi për media, Shkodran Hoti ka njoftuar për këtë, duke mos e treguar arsyen pse ata nuk e kanë bërë regjistrimin.
Ai ka treguar se “ata do ta bëjnë regjistrimin e nevojshëm javën e ardhshme para seancës konstituive dhe kjo nuk paraqet asnjë pengesë procedurale”.
“Regjistrimi i deputetit është një veprim administrativ për plotësimin e dokumentacionit të nevojshëm për administratën e Kuvendit ku përfshihen: kopja e kartelës bankare, kopja e letërnjoftimit, adresa e vendbanimit dhe CV’ja”, ka shkruar Hoti në facebook.
Ai ka shtuar se “këto dokumente mund të dorëzohen në Administratën e Kuvendit në çdo kohë të përshtatshme për deputetin”.
