Ndryshimet e motit ndikojnë në shëndetin e njeriut

Për shkak të ndryshimit drastik të motit shumë qytetarë janë ankuar për migrenë, lodhje, sëmundje reumatike dhe çrregullime te personat me sëmundje kronike. Rënia e menjëhershme e temperaturës që nuk është tipike për këtë periudhë pranverore ka ndikuar negativisht ndaj shëndetit të qytetarëve, raporton Alsat M.

Më shpesh paraqiten qytetarë që kërkojnë ndihmë apo këshillë të natyrës vegjetative, rritje të shtypjes së gjakut, marramendje, dhimbje në nyje, ne u japim këshilla për terapi orale ose intervenojmë – tha Elena Kareva, mjeke në ndihmën urgjente.

Mjekët rekomandojnë që qytetarët e prekur nga sëmundjet kronike ta marrin terapinë me rregull dhe të konsumojnë sa më shumë lëngje.