Presidenti Thaçi takoi ish-Sekretaren amerikane të Shtetit, zonjën Madeleine Albright (Foto)

Presidenti i vendit, Hashim Thaçi ka njoftuar para pak çastesh që ka realizuar një takim me miken e madhe të Kosovës, ish-Sekretaren amerikane të Shtetit, zonjën  Madeleine Albright e cila njihet për rolin vendimtar në çlirimin dhe pavarësinë e Kosovës, njofton PodujevaPRESS.

Në takim të pranishëm ishin edhe Ambasadroja e Republikës së Kosovës në SHBA, Vlora Çitaku dhe ish-Ministri i Integrimeve Evropiane, tani këshilltar personal i Presidentit, Bekim Çollaku.

Ky është njoftimi i plotë në profilin zyrtar të tij në facebook:

Sapo përfundova një takim të përzemërt me miken time të shtrenjtë dhe përkrahësen e fuqishme të lirisë dhe pavarësisë së Kosovës, ish-Sekretaren amerikane të Shtetit, zonjën Madeleine Albright. Në këtë takim të veçantë dhe përmbajtësor, sekretarja Albright sërish më tha se “puna me të cilën ajo krenohet më së shumti gjatë periudhës sa ka shërbyer si Sekretare e Shtetit është roli i saj vendimtar për lirinë e Kosovës”. HTH (Fotot: Astrit Ibrahimi)