Vdes mamia llapjane Sanije Topanica, iu ndihmoi grave në lindje gjatë luftës
Ende nuk ka datë për konstituimin e Kuvendit, Presidenti thotë se do ta caktojë së shpejti
Presidenti Hashim Thaçi në takimin me partitë politike tha se shumë shpejt do ta shpallë datën e mbajtjes së seancës konstituive të Kuvendit të Kosovës.
Ai as pas këtij takimi nuk e ka bërë të ditur datën e mbajtjes së seancës konstituive të legjislaturës së re të Kuvendit, ndërkaq tha se kjo do të bëhet në kuadër të afatit kohor të paraparë me ligj.
Sipas Presidentit Thaçi, e tëra do të bëhet në koordinim me partitë politike.
Kreu i shtetit kërkoi nga subjektet politike pjekuri dhe te punojne ne interes te qytetareve dhe te vendit.
Ndryshe, ftesën e Presidentit Thaçi për takimin konsultativ e kanë refuzuar Lëvizja Vetëvendosje dhe koalicioni LDK-AKR.
Refuzimin ndaj ftesës së Thaçit e ka njoftuar edhe Lista Serbe nëpërmjet kryetarit, Goran Rakiq.
Rezultatet e zgjedhjeve janë certifikuar më 8 korrik dhe brenda 30 ditësh presidenti duhet ta caktojë datën e mbajtjes së seancës konstituive ku zgjidhet kryetari dhe betohen deputetët e rinj.
