Bashkimi Europian tregon për çka u morën vesh Thaçi e Vuçiq

Bashkimi Europian ka njoftuar rreth takimit Thaçi –Vuciq, i cili ka përfunduar para pak minutash në Bruksel. Në kumtesën për media thuhet se Federica Mogherini ka kryesuar një takim joformal ndërmjet dy Presidentëve.

BE bën me dije se dy palët kanë rënë dakord për fillimin e një faze të re të dialogut.

“Ata janë pajtuar që të fillojnë një fazë të re të dialogut ndërmjet Beogradit dhe Prishtinës për normalizimin e marrëdhënieve dhe pajtimit, si dhe kanë vendosur që ekipet e tyre respektive t’i fillojnë përgatitjet. Ata po ashtu kanë theksuar nevojën dhe rëndësinë e implementimit të marrëveshjeve të arritura në dialog pa vonesa”

Përfaqësuesja e Lartë ka konfirmuar përkushtimin e BE’së për perspektivën europiane të gjithë rajonit të Ballkanit Perëndimor.