AAK e gatshme të takohet edhe me LDK-në, për të biseduar rreth formimit të Qeverisë

AAK nuk e përjashton mundësinë e një takimi  me LDK-në, për të biseduar rreth formimit të Qeverisë.

Kështu ka thënë Ahmet Isufi nga radhët e AAK-së, sipas tij Aleanca për Ardhmërinë e Kosovës është duke zhvilluar takime me të gjitha partitë politike në Kosovë, rreth arritjes së një marrë veshje për formimin e Qeverisë.

I pyetur nga Gazeta Blic, se a do të pranonin një ftesë  të tillë  nga Lidhja Demokratike e Kosovës, Isufi u përgjigj kështu.

“Tani jemi në fazën e përgatitjes së parlamentit të Kosovës, bisedimet do të vazhdojnë më të gjitha partitë politike dhe do të shohim procesin e mëtutjeshme të komunikimit”, deklaroi Isufi për Gazeta Blic.

Kjo deklaratë e Isufit vjen pasi që lideri i LDK-së, Isa Mustafa ka thënë që është i hapur për takime me Ramush Haradinajn për të biseduar për formimin e Qeverisë, por për këtë ka një kusht.

“Në çdo moment që z. Haradinaj nuk do të jetë pjesë e marrëveshjes me PDK-në, ne mund të bisedojmë për mundësitë e bashkëqeverisjes” ka thënë Isa Mustafa në një intervistë.

Sipas rezultateve përfundimtare të KQZ-së, fitues i zgjedhjeve është koalicioni PDK-AAK-Nisma e cila pasohet nga Lëvizja Vetëvendosje, kurse e treta është koalicioni LDK-AKR dhe Alternativa./GazetaBlic.com