Mahrez shpallet futbollisti i vitit në Afrikë

Mesfushori algjerian, Riyad Mahrez ka marrë çmimin e futbollistit të vitit në Afrikë.

Deri tek ky trofe i rëndësishëm individual, Mahrez arriti falë ndihmës së madhe që i dha skuadrës së tij Leicester City për tu shpallur kampione e Anglisë stinorin e kaluar,shkruan Telegrafi.

Në garë të ngushtë, Mahrez ishte së bashku me yllin e Dortmundit, Pierre Emerick Aubameyang dhe sulmuesin senegalez të Liverpoolit, Sadio Mane.

Votat për futbollistin më të mirë të Afrikës u dhanë nga trajnerët e të gjitha kombëtareve afrikane.

Algjeriani më parë ka fituar edhe çmimin si futbollisti i vitit në Angli, si dhe është renditur në pozitën e shtatë në garën e ‘Topit të Artë’.

Ky çmim ishte i pari në karrierë për yllin e kampionit aktual të Anglisë. /PodujevaPRESS/