Zyrtari punon taksi Prishtinë – Podujevë me veturë të shtetit |FOTO

Qytetarët që për çdo ditë udhëtojnë nga Prishtina për në Podujevë, mund ta kenë mundësinë të udhëtojnë me veturë të shtetit.

Krejt kjo pasi një zyrtar e ka shfrytëzuar veturën e shtetit për të fituar si taksist, shkruan gazetametro.net.

Një qytetar që ndodhet në vendin e ngjarjes tek Xhamia e Llapit, ka thënë se kishte refuzuar të hypte në këtë veturë.

“Personi i luste njerëzit të hipnin. Unë nuk hypa edhe pse kishte vend. Ata që hypën ishin njerëz që ishin duke pritur”, ka thënë ai për Metron.

Ndërkohë, Metro mëson se kjo veturë i përket një prej institucioneve shtetërore të pavarura, mirëpo akoma nuk është evidentuar saktësisht për kënd bëhet fjalë./gazetametro.net