ZYRTARE: Nënshkruhet marrëveshja mes LDK-së e VV-së

Pas takimit të djeshëm, sot u takuan përsëri dy përfaqësuesit e partive, Isa Mustafa e Albin Kurti ku bën të ditur se kanë arritur marrëveshjen për Qeverinë e re.

Në një konferencë për media, lideri i VV-së, Albin Kurti ka thënë se nesër në Kuvend do të shkojnë me marrëveshje të nënshkruar.

“Na ndan vetëm një ditë nga seanca ku do zgjedhim qeverinë e re ne u takuam me Isa Mustafën dhe u dakorduam që të takohemi edhe nesëer në seancë të Kuvendit për ta zgjedhur qeverinë e re.Ne tashmë e kemi nënshkruar marrëveshjen jemi marrur vesh për të gjitha”, ka thënë Kurti

Mustafa ka thënë se marrëveshja është rezultat i mirë dhe do të ketë një bashkëpunim më të gjatë.

Tutje kryetari i VV-së, Albin Kurti, tha se kanë marrë 15 ministri, ndërsa në anën tjetër lideri i LDK-së, Isa Mustafa tha se posti i Presidentit nuk është pjesë e kësaj marrëveshje.