Zyrtare: Mentor Zhdrella nënshkruan me KF Llapin (Foto)

Llapi e ka bërë goditjen e madhe të afatit kalimtar, duke transferuar Mentor Zhdrellën.

Lajmin e ka konfirmuar kryetari i klubit, Nexhat Dumnica, i cili ka dërguar në redaksinë e Gazetës Olle foton e takimit me Zhdrellën.

Në prononcimin për gazetën, Dumnica është shprehur i lumtur me marrëveshjen.

“Zhdrella i rikthehet vendlindjes. Që nga sonte ai është pjesë e Llapit”, u shpreh Dumnica.

Në këtë mënyrë, Zhdrella bëhet transferimi më i madh deri më tani i afatit kalimtar.