Vdes mamia llapjane Sanije Topanica, iu ndihmoi grave në lindje gjatë luftës
Zyrtare: Kryeministri i Malit të Zi viziton Kosovën
Kryeministri i Malit të Zi, Dushko Markoviq, pritet ta vizitojë Kosovën. Ai do të qëndrojë në Prishtinë më 6 shkurt. Lajmin për Express e kanë konfirmuar edhe brenda kabinetit bëjnë të ditur se vizita është e konfirmuar tashmë dhe po bëhen përgatitjet për këtë takim.
Vizita e kryeministrit malazez bëhet me ftesë të kryeministrit Haradinaj ndërkohë që pritet t’i hapë rrugë zgjidhjes së çështjes së demarkacionit me Malin e Zi.
Marrëveshja për kufirin me Malin e Zi është kriter për liberalizim të vizave ndërkohë e njëjta duket fare larg që të ratifikohet në Kuvendin e Kosovës.
Marrëveshja është dërguar në Kuvend, por ende nuk është nxjerrë në rend dite. Bashkë me të është dërguar edhe një raport i hartuar nga Komisioni “Bulliqi”, ku thuhet se Kosova ka humbur tokë nga kjo Marrëveshje.
Kundër kësaj marrëveshje, është edhe vet partia e kryeministrit Haradinaj./Express
