Zjarri përfshin stallën e një familjeje në Podujevë, shkaktohen dëme të mëdha materiale

Një zjarr i madh ka përfshirë mbrëmë stallën e një familjeje në fshatin Peran të Podujevës, ku si pasojë janë shkaktuar dëme të mëdha materiale, raporton gazeta Sinjali.

Sinjali mëson se janë djegur rreth 200 dujë me ushqim të bagëtive që ndodheshin brenda stallës.

E zonja e shtëpisë ka deklaruar se dëmi kap vlerën e rreth 300 eurove dhe se nuk e ka idenë se çfarë ka mundur të shkaktojë zjarrin e as nuk dyshon në ndonjë person.

Në vendin e ngjarjes kanë dalë njësitë policore, zjarrfikësit dhe eksperti i zjarrit të cilët kanë kryer ekzaminimet e nevojshme që ndihmojnë në zbardhjen e rrethanave të rastit.

Me urdhër të prokurorit rasti është iniciuar ‘Zjarrvënie’.