Zgjedhje të reja nuk ka, por Qeveri të Unitetit

Lidhja Demokratike e Kosovë ka marrë vendim që nga dje t’i ndan rrugët me Lëvizjen Vetëvendosje dhe ta rrëzon nga pushteti qeverinë e udhëhequr nga Albin Kurti, kjo pas sjelljeve të tij të rrezikshme me Shtetet e Bashkuara të Amerikës dhe ministrat e saj, shkruan Gazeta Metro.

Madje sot Lidhja Demokratike e Kosovës ka filluar mbledhjen e nënshkrimeve për thirrjen e seancës së Kuvendit dhe rrëzimin e kryeministrit Albin Kurti nga Qeveria e Kosovës.

Nënshkrimet dhe votat për rrëzimin e Qeverisë Kurti, LDK’ja i ka siguruar deri tani nga AAK’ja dhe NISMA.

Kurse, pak më herët ka folur në emër të LDK’së deputeti i kësaj partie, Arban Abrashi, ku ka thënë se do të vazhdojnë sa më shpejt me procedura për rrëzimin e Qeverisë Kurti, ndërsa tregon se LDK’ja nesër do të çojë mesazh Shteteve të Bashkuara të Amerikës se po dalin nga “Qeveria e cilësuar si antiamerikane”.

Abrashi ka thënë është përmendur Qeveri e Unitetit dhe kjo do të diskutohet nga LDK’ja, pasi zgjedhje të reja nuk do të ketë.

“Shpresojmë që s’do të ketë nevojë të shkohet në zgjedhje, edhe janë parandalu dhe shty ato në Podujevë dhe s’besoj se do të ketë nevojë të shkohet në zgjedhje. Duhet të propozohet ndonjë zgjidhje, duhet të diskutojmë me strukturat tona, është përmendur edhe Qeveria e Unitetit, por do të diskutohet edhe ajo”, tha Abrashi, transmeton Gazeta Metro.

“Nuk i kemi menduar subjektet. Nesër do të qojmë sinjale në ShBA që s’jemi pjesë e një qeverie që po cilësohet anti-amerikane”, tha Abrashi.

Kujtojmë se këtë e përmendi dje edhe nënkryetari i LDK’së, që do të ketë qeveri gjithëpërfshirëse tani e tutje.///gazetametro.net