ZAHIR, HAKIF e ILIR: 9 vite nga shpallja e Pavarësisë, prap shtatoret tuaja po mungojnë në qendër të qytetit!

Kanë kaluar më shumë se 20 vite nga rënia heroike e  Zahir Pajazitit, Hakif Zejnullahut dhe Ilir Konushefcit, ndërsa në prag të 9 vjetorit të Pavarësisë së Kosovës shtatoret e tyre i mungojnë  qytetit të Podujevës, njofton PodujevaPRESS.

Komuna e Podujevës, ka bërë shumë pak në këtë aspekt, ndërsa vende anë e mbanë botës, dëshmorët dhe luftëtarët e lirisë, për të gjallë a për të vdekur i nderojnë me vepra arti, apo statuja të ndryshme përkujtimore.

Komuna e Podujevës nuk e ka ndërmarrë asnjë hap deri më tani, edhe pse më shumë se 5 vite ekziston një vendim i Kuvendit Komunal, i cili përcakton që sheshi afër postës të quhet “Sheshi i Dëshmorëve”, dhe aty të vendoset Monumeti i tre heronjve  Zahir Pajazitit, Hakif Zejnullahut dhe Ilir Konushefcit, vendim ky i cili nuk është zbatuar asnjëherë.

Ndërsa në vendin e paraprë që të vendoset Monumeti i Heronjëve figuron një figure nga hekuri që nuk përfaqson asnje vlerë të qyetit të Podujevës./PodujevaPRESS/