Vdes mamia llapjane Sanije Topanica, iu ndihmoi grave në lindje gjatë luftës
Ymeri: Thaçi nuk mund ta pengojë VV-në që ta marrë pushtetin
Gjatë një konference për media të mbajtur nga Lëvizja Vetëvendose, kreu i kësaj partie, Visar Ymeri tha se Hashim Thaçi nuk ka asnjë të drejtë kushtetuese që të pengojë procesin demokratik të Kosovës. Sipas tij, çdo kriter shtesë që do e vendosë presidenti do të jetë i papranueshëm.
“Asnjë kriter shtesë nuk mund ta shtojë Hashim Thaçi sepse nuk ka të drejtë kushtetuese dhe që çfarëdo kërkese apo kritere shtesë që ai shton, është pengim i drejtpërdrejtë i një procesi demokratik të Kosovës dhe si i tillë natyrisht që do të jetë i papranueshëm si nga ne si nga qytetarët”, tha Ymeri.
Ymeri tutje shtoi se meqenëse Vetëvendosja ka dalë subjekti më i madh politik në zgjedhjet e 11 qershorit, atë nuk mund ta pengojë askush që t’ia kthejë shpresën dhe vullnetin këtij vendi.
“Qytetarët mendoj se e kanë thënë fjalën me 11 qershor dhe subjekti vetëvendosje ka dalë subjekti më i madh politik. Nuk mundet as Hashim Thaçi as askush ta pengojë Lëvizjen Vetëvendosje që t;ia kthejmë edhe shpresën edhe guximin edhe vullnetin por që është me rëndësi ta ndryshojmë Kosovën ashtu siç e duan qytetarët”, shtoi kreu i VV-së.
