Xhevat Sefaj: Dardan Molliqaj më shantazhoi, duke më thyer edhe passwordin e Facebookut!

Ish-kandidati për deputet nga Lëvizja Vetëvendosje, Xhevat Sefaj i cili para disa ditësh e ka braktisur këtë lëvizje, në një intervistë për GazetaBlic ka folur për arsyen e braktisjes, mënyrën e funksionimit të kësaj partie…

“Po ishte klani i udhëhequr nga Dardan Molliqaj i cili nga 2 maj deri me 10 korrik sa ishte afati i zgjedhjet e brendshme, në mënyrë arbitrare duke shkelur rregulloren e zgjedhjeve të brendshme, dhe me metoda të ulta shantazhiste më përjashtoi dhe eliminoi nga gara e zgjedhjeve të brendshme si kandidat për kryetar të qendrës Pejë edhe pse të drejtën për të kandiduar për secilën pozitë e garanton rregullorja e zgjedhjeve të brendshme”, ka thënë Sefaj.

Ai ka folur edhe për akuzuat e tij ndaj  Lëvizjes Vetëvendosje, ku veprimet e kësaj lëvizje i ka cilësuar si fashiste, transmeton GazetaBlic.

Ai akuzon Dardan Molliqajn se ia ka thyer edhe fjalëkalimet në rrjetet sociale.

“Krejt këto largime vinë si pasojë e sjelljeve bandite të sekretarit Dardan Molliqaj, i cili jashtë ligjshëm ka ndërhyre ne privatësinë time, duke ma thy password e facebook-it , jo vetëm mu por edhe shumë të tjerëve. Duke me shantazhuar  se nëse nuk tërhiqesh nga kandidatura për kryetar të qendrës, unë Albini dhe Visari do të vijmë ditën e votimit dhe do t’i thërrasim një nga një anëtarësinë e Lëvizjes mos më të votuar ty edhe do t’ja tregojmë krejt jetën tuaj private dhe çka ke biseduar privatësisht”, thotë Sefaj.

Kjo është intervista e plotë:

GazetaBlic: Z. Sefaj, para disa ditësh e braktisët Lëvizjen Vetëvendosje. Pse ndërmorët një veprim të tillë?

Xhevat Sefaj: Arsyeja pse e braktisem Lëvizjen Vetëvendosje ka të bëjë me shkelje të parimeve, shkelje te statutit të Lëvizjes. Lëvizja kur unë ju bashkëngjita si aktivist i partisë Fryma e Re nga shkurti i vitit 2011-të, kishte një statut demokratik, që për mu ka qenë model për partitë tjera në Kosovë për nga mënyra organizimit. Çdo gjë ka shkuar mirë deri në fillim të vitit 2014-të, sa që unë jam ndjerë krenar si një shpend me krah së jam pjesë e komunitetit të njerëzve që i njoha në Lëvizje. Rruga e devijimit fillojë pas zgjedhjeve lokale të 2013-së ku në mbledhjen e jashtëzakonshme të këshillit të përgjithshëm është marrë vendim qe të shkarkohen të gjitha kryesitë e qendrave, por edhe vetë këshilli i përgjithshme u shkarkua me arsyetimin e marrjes se përgjegjësisë nga rezultatet e ulta në zgjedhjet lokale. Nga këtu u pa së është krijuar një klan i cili në vazhdimësi ka punuar të krijoj mekanizma jo statutor të kontrollit dhe organizimit të Lëvizjes.
Emërimi i delegateve jo-legjitim, pa bazë deleguese, pa zgjedhje të brendshme në secilën qendër me njerëz opportunist, që krijuan kinse një këshillë të përgjithshëm, i cili vendosi të mbajë zgjedhje vetëm për kryetar te Lëvizjes në nivelin e tretë organizativ dhe pastaj votuan një kryesi klanore nga një këshillë i emëruar me automatizëm.

Ata që ishin më të zëshëm si Arben Gecaj dhe Ajnishahe Halimi, u përjashtuan e qindra të tjerë u larguan dhe u pasivizuan. Përjashtimin e aktivistëve si Arbeni, që mendojnë ndryshe unë e kam kundërshtuar hapur brenda forumeve të Lëvizjes, këtë e dinë shumë mirë edhe Dardan Sejdiu në një takim ku unë i kam shpreh pakënaqësitë për mënyrën e zgjedhjeve të brendshme, pakënaqësi të cilat i ka nda edhe ai me mu.

GazetaBlic: Ishte dikush nga partia që ju çoj drejt një vendimi të tillë, apo koncepti i partisë ju bëri që të merrni një vendim të tillë?

Xhevat Sefaj: Po, ishte klani i udhëhequr nga Dardan Molliqaj, i cili nga 2 maj deri me 10 korrik sa ishte afati i zgjedhjet e brendshme, në mënyrë arbitrare duke shkelur rregulloren e zgjedhjeve të brendshme, dhe me metoda të ulta shtantazhuse më përjashtoi dhe eliminoi nga gara e zgjedhjeve të brendshme si kandidat per kryetar të qendrës Pejë, edhe pse të drejtën për të kandiduar për secilën pozitë e garanton rregullorja e zgjedhjeve të brendshme. Ndërhyrja e jashtëligjshme e Dardan Molliqajt ne privatësi është e papranueshme, prandaj jam duke e përgatitur padinë ndaj Lëvizjes Vetëvendosje dhe do te kërkojë dëmshpërblim për linçimet dhe dëmtimin e imazhit që ka provuar të ma bëjë ajo.
Sa i përket konceptit të partisë asnjëherë nuk kam pasur mospajtime, prandaj edhe jam integruar shumë shpejtë ne Lëvizje, kam punuar më tërë qenien time që konceptin e Lëvizjes ta promovojë tek të tjerët, që të jetë sa më i pranueshëm të njerëzit.

GazetaBlic: E akuzuat Lëvizjen Vetëvendosje edhe për veprime fashiste. Si erdhët deri në këtë përfundim kaq “ekstrem”?
Xhevat Sefaj: E akuzuam Lëvizjen si fashiste sepse veprimet ishin të tilla, ekstreme. Ne lëvizja të cilët më të drejtë e kundërshtonim Zajednicën si fashiste, sepse gjyqtarët dhe komandantët e policisë në veri duhet të jenë vetëm serbë, të njëjtën gjë e praktikojë një klan nga sekretariati i përgjithshëm duke vendos arbitrarisht se vetëm individë të caktuar mund të zgjidhen në pozita të caktuara e duke përjashtuar aktivistë të tjerë. Pra, Zajednica është fashiste atëherë me këto forma LVV-ë pse duhet të jetë ndryshe. Ish lideri saj z. Albin Kurti gjithnjë na thoshte se ne të gjithë duhet të jemi të barabarët si buburreca, ndërsa në Lëvizje në praktik u krijuan njerëz me rrolin e elefantit. Dardan Molliqaj sikurse mbreti Solomon, mendon se më një goditje të shpatës i këputë zinxhirët  dhe i zgjidh të gjitha problemet.

GazetaBlic: Pas largimit tuaj, ndodhën edhe disa largime tjera në këtë parti. Pse këto largime në degën e Pejës?

Xhevat Sefaj: Krejt këto largime vinë si pasojë e sjelljeve bandite të sekretarit Dardan Molliqaj, i cili jashtë ligjshëm ka ndërhyre ne privatësinë time, duke ma thy password e facebook-it , jo vetëm mu por edhe shumë të tjerëve. Duke me shantazhuar  se nëse nuk tërhiqesh nga kandidatura për kryetar të qendrës, unë Albini dhe Visari do të vijmë ditën e votimit dhe do t’i thërrasim një nga një anëtarësinë e Lëvizjes mos më të votuar ty edhe do t’ja tregojmë krejt jetën tuaj private dhe çka ke biseduar privatësisht. Koordinatorja e qendrës Fatmire Kollqaku me urdhra nga sekretariati i përgjithshëm përjashtojë nga grupi punues  tre anëtar vetëm pse nuk ishin servil të tyre, format e shantazhit ndaj meje dhe aktivisteve qe me kanë përkrah mu si kandidat për kryetar qendre nuk jam ndal asnjëherë deri sa me eliminuan dhe e vendosen (nuk e zgjedhën) një kryetar më automatizëm. Pastaj krejt këto largime kanë filluar nga zhgënjimi i sjelljeve banditeske nga Dardan Molliqaj dhe një klani të tij.

Nga ky moment ka filluar shuarja e pikave si në Llozhan, Nabergjan, Kotradiq, janë dorëhequr ish themeluesi i pikës, dhe kandidati për asamble nga Novosella z.Arben Kurtaj, ish themeluesi i pikës Vitomiricë po ashtu kandidatë per asamble z. Mentor Shala, ka edhe shumë largime tjera individuale por të cilët nuk kanë dashur ta bëjnë publike. Ka edhe pika tjera që janë në prag të shuarjes që do ta bëjnë në ditët ne vazhdim. Për më fol troç, Lëvizja na e ka bërë të qartë: Lëvizjen e kemi themeluar vetë, nëse doni më qëndruar  si aktivistë rrini, ambicie nuk bënë të kesh.

GazetaBlic: Do të aderoni në ndonjë parti tjetër?

Xhevat Sefaj: Këtë pyetje pas largimit tim nga LVV-ë po ma bëjnë shpesh, të them të drejtën po kam telefonata nga parti të ndryshme të cilat janë keqkuptuar me mu, këto forma joshëse  klienteliste kanë qene arsyeja kryesore pse ju bashkëngjita Lëvizjes për ta luftuar lidhjen klienteliste aktivist parti, për mu kjo është një formë prostitucioni politikë të cilen kurr nuk do ta bëjë.
Për momentin jemi duke pushuar nuk do të marrim hapa të ngutshëm, jemi të koordinuar të gjithë të pakënaqurit, largimet e aktivisteve do të vazhdojnë dikur më vonë, të gjithë së bashku do të marrim qëndrim se a do të vazhdojmë të merremi edhe me tutje me politikë. Edhe ashtu skena politike është e kontaminuar, unë nuk e shoh të domosdoshme të merrem vetëm me politikë ka edhe forma tjera me jetuar në ketë vend larg partive politike, m’base Lëvizja dështojë ta luftojë klientelizmin, partitë tjera të paktën janë më korrekte e pranojnë edhe hapur se janë të tilla.