Vdes mamia llapjane Sanije Topanica, iu ndihmoi grave në lindje gjatë luftës
Xhavit Haliti i kundërpërgjiget Lutfi Hazirit. Ky është propozimi i tij për krijimin e Qeverisë!
Pas deklaratës së Lutfi Haziri i cili tha që Lidhja Demokratike e Kosovës nuk ka vota për PAN-in, as atë të Teuta Rogovës, një kundërpërgjigje për këtë vjen nga nënkryetari i Partisë Demokratike të Kosovës, Xhavit Haliti.
Haliti për Gazetablic ka thënë se Lutfi Haziri e ka për obligim funksional ta kundërshtoj koalicionin PAN.
“Është obligim funksional i Lutfi Hazirit për të kundërshtuar koalicionin me PAN, ashtu siç është obligim shtetërore qe të gjendet zgjedhje për krijimin e institucioneve te reja te Kosovës”, tha Haliti.
Ai po ashtu ka ftuar të gjithë faktorët relevant politik që të japin kontributin e tyre për krijimin e një koalicioni gjithëpërfshirës, për të nxjerrë Kosovën nga kriza ekonomike, e po ashtu sipas tij ky koalicion garanton edhe anëtarësimin në OKB, BE dhe NATO.
“Duke i njohur të metat ne qeverisje gjatë funksionimit te koalicionit të kaluar, pres reflektim nga të gjithë faktorët relevant politik në Kosovë, që të japin kontributin e tyre për krijimin e një koalicioni gjithëpërfshirëses me objektiva e detyra të ndara, për ta nxjerre Kosovën nga kriza ekonomike, për ta luftuar krimin e korrupsionin, për te hape vende te reja pune për qytetaret, për të përfunduar procesin qe i garanton Kosovës anëtarësimin ne OKB, BE, NATO”, tha Haliti për GazetaBlic.com.
Haliti me tutje tha se Lutfi Haziri i di të gjitha këto dhe se shpreson të kontribuoj kundër asaj që ka deklaruar!
“Ky proces kërkon angazhim të përbashkët, sektarizmi politik, përçarja e stisur nga profitet politik, Kosovën e qon drejt kolapsit ekonomik e politik. Ne si popull evropian, duhet ti kopjojmë metodat me te mira evropiane por arritjen e konsensusit nacional. Lutfi Haziri këto i din dhe i ka aplikuar shumë herë. Shpresoj qe te kontribuoj për të kundërten e asaj qe e ka deklaruar”, kështu tha për GazetaBlic, Xhavit Haliti.
