Vucic i frikësuar: Mbi 5.000 serbë do të jenë në fletarreste nëse Kosova pranohet në Interpol

Mbi 5.000 serbë do të gjenden në fletëndjekjet e Interpolit në qoftë se Kosova pranohet në nëntor në këtë organizatë, ka thënë kryetari i Serbisë Aleksandar Vucic sipas gazetës serbe “Novosti”.

Ai ka ftuar fuqitë perëndimore “të bëhen të arsyeshme” dhe të mos lejojnë krizën në Ballkan, pa shpjeguar se si u shkaktuaka kjo krizë, dhe ka shtuar se “Serbia nuk do t’u nënshtrohet presioneve, por se tash janë tjerët në veprim”, transmeton gazetametro.net.

“Në qoftë se në mënyrë jo të ligjshme e kriminale (shih ti!) do të pranohen në Interpo, shqiptarët e Kosovës më nuk do të duan të bisedojnë, por vetëm ta presin hapin tjetër, e ai është anëtarësimi në OSCE e OKB. Ata thjesht nuk do të duan zgjidhje me kompromis… Serbia gjithsesi nuk do t’i nënshtrohet presionit, por kam frikë se të gjithë së bashku do të gjendemi në qorrsokak, pa dalje”, ka thënë Vucic, duke shruar se, sipas tij, Prishtina ka “plane të rrezikshme” në Interpol…

“Hyrja e Kosovës në Interpol do të sillte fletarreste kundër 5.000 serbëve, pjesëmarrës në onfliktin e vitit 1999/ Ata njerëz nuk do të dinë se a mund të udhëtojnë jashtë vendi dhe do të krijohen tensione në shkallë ditore dhe konflikte shtesë. Nuk shoh asnjë pasojë të mirë të kësaj…” ka thënë dje Vucic sipas gaztës, i cili e ka lutur mysafirin e tij austriak Alexander van der Bellen që Viena të jetë e përmbajtur dhe të pritet për mundësi eventuale për marrëveshje kompromisi për Kosovën.

Gazeta citon edhe ish-shefin e policisë, Marko Nicovic, të ketë thënë se hyrja e Kosovës në Interpol do të thotë ndjekje e të gjithë kundërshtarëve të pavarësisë së Kosovës. “Do të mund ta ndjekin edhe Vucicin”, ka thënë ai, “ashtu sikundër që Serbia i kërkon Thaçin e Haradinajn”./gazetametro.net