Vdes mamia llapjane Sanije Topanica, iu ndihmoi grave në lindje gjatë luftës
Vllahiu kërkon auditim të jashtëm në komunën e Prishtinës
Kandidati i AAK-së për kryetar të Prishtinës, Arbër Vllahiu, tha sot se me të marrë detyrën e kryetarit ‘nuk do të fillojë punën pa futjen e një auditori të jashtëm, të pavarur e profesional në komunën e Prishtinës”. Ai tha se qytetarët duhet të ‘njoftohen me saktësi për paratë e shpenzuara nga taksat e tyre”.
“Qyteti ka nevojë për një qeverisje sa transparente aq edhe llogaridhënëse dhe prandaj një auditim i jashtëm, profesional dhe i pavarur, që do të futet menjëherë, do të jap pasqyrën e plotë për qytetarin të cdo paraje publike e të taksave të tyre të shpenzuara ndër vite”, tha Vllahiu në shpalosjen e programit të tij për qeverisjen me Prishtinën, pas zgjedhjeve të 22 tetorit.
Ai tha se “qeverisja në Prishitnë duhet ta respektojë kontraten me qytetarin dhe se do t’I shtrijë shërbimet komunale në gjithë qytetin”.
“Kryeqyteti ka nevojë për pajtim më shumë se kurdo herë, për njerëz që nuk e drejtojnë kundër interesave të qytetarëve dhe kundër nevojës së tyre për zgjidhjen e cështjeve jetike për ta”, tha Vllahiu./Express/
