Vjosa Osmani vizitojë Podujevën |PAMJE

U.d e presidentes Vjosa Osmani është takuar me kryetarin e kësaj komune Shpejtim Bulliqi, të cilit tha se i urojë detyrën dhe tha se ka shumë sfida para vetës.

Kryetari i Komunës së Podujevës, Shpejtim Bulliqi, prit në takim u.d. Presidenten Vjosa Osmani, e cila ka vizituar sot Podujevën.

Me këtë rast zonja Osmani e ka uruar kryetarin Bulliqi për marrjen e besimit të qytetarëve llapjanë për të udhëhequr me Komunën e Podujevës dhe i ka uruar suksese në realizimin e objektivave dhe projekteve me interes për qytetarët llapjanë.

Kryetari Bulliqi e ka falënderuar u.d. të Presidentes Vjosa Osmani për vizitën dhe ka premtuar bashkëpunim institucional dhe angazhim në realizimin e projekteve, që do të ndikojnë drejtpërdrejt në përmirësimin e jetës së qytetarëve të Komunës së Podujevës.

Pas takimit, kryetari Bulliqi dhe u.d. Presidentja Osmani kanë bërë homazhe te shtatorja e dëshmorit Ali Ajeti dhe te shtatorja e dëshmorëve të UÇK-së, komandantit Zahir Pajaziti, Hakif Zejnullahu, Edmond Hoxha dhe Ilir Konushevci.