Vjosa Osmani lidere e padiskutueshme në LDK. ‘Zhduken’ Lutfi Haziri e Agim Veliu

Instituti Demokratik i  Kosovës (KDI) gjatë ditës së sotme ka publikuar dy raporte të hulumtimit të opinionit lidhur me qëndrimet dhe preferencat politike të të rinjve, njofton Gazeta Blic.

Sipas këtij hulumtimi, politikanja më e popullarizuar në koalicionin LAA, është Vjosa Osmani.

Pretendentët tjerë për kryetar të LDK-së, si Lutfi Haziri, Agim Veliu, Avdullah Hoti e Kujtim Shala kanë mbetur larg Osmanit, duke mos u përmendur fare.

Osmani është politikane model për pothuajse gjysmën e votuesve (45.8 për qind) të këtij subjekti. Pas saj radhitet Arban Abrashi me 10.7 për qind, dhe Isa Mustafa i cili është model për 9.2 për qind të votuesve të koalicionit LAA. Përveç tyre, nga partitë tjera të këtij koalicioni, Behxhet Pacolli është politikan model për 5.3 për qind të votuesve të rinj të këtij grupi të votuesve.

Theksojmë se koalicioni LAA ishte formuar nga Lidhja Demokratike e Kosovës, Alternativa, Aleanca Kosova e Re, dhe Lëvizja për Drejtësi.
Por nga koalicioni është shkëputur Aleanca Kosova e Re, e cila tashmë është në koalicionin qeverisës me PAN-in./GazetaBlic./