Vjedhin naftë nga makinat për ndërtimin e rrugëve

Në fshatin Kovaqec, ne Kaçanik, janë arrestuar katër persona, pasi që të njëjtit janë zënë duke vjedhur naftë nga makineria e firmës ndërtuese të rrugëve.

Njësiti policor në vendin e ngjarjes ka konfiskuar gjashtë bidonë me nga 25-30 litra derivate si dhe 8 bidonë të zbraztë.

Përveç këtyre është konfiskuar edhe një Furgon në të cilin ishin 10 bidonë të zbraztë.

Me urdhër të prokurorit dy të dyshuar dërgohen në mbajtje ndërsa dy të dyshuarit të tjerë lirohen në procedurë të rregullt.