Vjedhin çantën në autobus, arrestohen 4 persona të dyshuar

Katër persona janë arrestuar nga Policia pasi dyshohen se kishin vjedhur çantën e një vajze/gruaje në një autobus.

Sipas Policisë rasti ka ndodhur në fshatin Shtedim të Podujevës, derisa çanta e vjedhur është gjetur në shtëpinë e njërit prej të dyshuarve.

“Janë arrestuar katër të dyshuar meshkuj K/Shqiptarë nën dyshimin se të njëjtit në autobusin e një agjencie turistike kishin  vjedhur çantën e viktimës vajzë/grua Sh/Shqiptare.

Në një objekt përcjellës të shtëpisë të njërit prej të dyshuarve është gjetur çanta e viktimës me gjësendet e vjedhura përveç parave dhe kartelave bankare.

Me urdhër të prokurorit katër të dyshuarit janë dërguar në mbajtje”, njofton Policia.