Vjedhen kartelat grafike në Podujevë në vlerë 25 mijë euro, Policia e Kosovës i gjen në Obiliq

Sot një personi me inicialet K.K., (emër i njohur për redaksinë), i janë vjedhur kartelat grafike në Podujevë, në vlerë rreth 25 mijë euro.

IndeksOnline mëson nga burime të sigurta se të njejtat i kanë gjetur njësitë patrulluese të Policisë së Kosovës në komunën e Obiliq në një veturë të tipit “Pikap” në një parking të një supermarketi.

Po ashtu, bëhet e ditur se Policia e Kosovës ka arresuar të dyshuarit M.K dhe F.M të cilët janë intervistuar në stacionin policor në Obiliq.

Ndërsa, pas intervistimit të dy palëve, të dyshuarit janë dërguar në Qendër për mbajtje.

Ndërkohë, bëhet e ditur se kartelat grafike janë konfiskuar./IndeksOnline/