Vihet gurthemeli i Qendrës së Mjekësisë Familjare në Gllamnik |Foto

Kryetari i Komunës, Shpejtim Bulliqi, bashkë me drejtorin e organizatës “Qatar Charity” Esam Dabab, në mënyrë ceremoniale kanë vendosur gurthemelin e punimeve për ndërtimin e Qendrës së Mjekësisë Familjare në fshatin Gllamnik, njofton zyra për media, transmeton PodujevaPRESS.net

Ky projekt po realizohet nga memorandumi i bashkëpunimit që ka nënshkruar muaj më parë kryetari Bulliqi me drejtorin e organizatës “Qatar Charity. Vlera e parashikuar e këtij projekti me gjithë infrastrukturën e nevojshme është 225 mijë euro, ku komuna e Podujevës participon me 50 mijë euro, ndërsa organizata me 175 mijë euro.

Kryetari Bulliqi tha “Jemi duke punuar me përkushtim maksimal që infrastruktura shëndetësore të kompletohet dhe shërbimet mjekësore që ofrohen për qytetarë të jenë sa më cilësore”.

Kryetari Bulliqi ka falënderuar drejtorin e organizatës për bashkëpunimin e jashtëzakonshëm dhe ka uruar që ky bashkëpunim të thellohet edhe në projekte dhe fusha të tjera.