Viets: Demarkacioni ka mbetur kushti i vetëm para liberalizimit të vizave

‘Është sikurse kur hyni në klub, sa më shumë mysafirë që vijnë aq më strikte bëhen rregullat’ kështu ju adresua Ambasadorja e Gjermanisë, Angelika Viets pyetjes së studentëve të Kolegjit Universum, lidhur me mosliberalizimin e vizave për Kosovën, përkatësisht kritereve që i janë përcaktuar Kosovës për të arritur lirinë e lëvizjes nëpër Evropë.

Sidoqoftë, ajo ka lavdëruar përkushtimin, përpjekjet dhe të arriturat e Kosovës  për këtë qëllim dhe njëherit ka përcjelurl konfirmimin e zyrtarëve të lartë Gjerman se Demarkacioni ka mbetur si kushti i vetëm për ta kompletuar me sukses këtë proces, transmeton zeri.info.

Ndërkohë, duke folur për dialogun me Serbinë, ambasadorja Viets, ka thënë se është proces i domosdshëm.  ‘Dialogu me Serbinë është i patjetërsueshëm  si proces i domosdoshëm për normalizimin e marrëdhënieve ndër-fqinjësorem, edhe pse kjo mund të zgjasë shumë, mbase edhe 18 vite tjera nëse vazhdon me këtë ritëm’, theksoi ambasadorja, transmeton zeri.info.

Sipas saj, kjo mund të zgjasë kaq shumë pasi që tavolinën e negociatave priten temat gjithnjë e më të ‘rënda’ si: energjia, hekurudha, trafiku ajror, për të vijuar me reparacionet e luftës, e deri te demarkimi i kufirit me Serbinë si rezultat i fundit i Dialogut. “Këtu, mund të mos jetë  e domosdoshme prerazi, njohja e ndërsjellët midis dy shteteve, pasi të jenë zgjidhur problemet e shumta te ngelura pezull, që gjithësi kërkon kohë, vullnet dhe vendosmëri për t’u arritur, për të filluar më pas një kapitull të ri historik, bashkëpunues dhe të sinqertë  më Serbinë”, ka thënë Viets./Zeri/