Vetëvendosje nuk kthehet mbrapa: Glauk Konjufca nuk jep dorëheqje

Pazaret politike për ndarjen e hises së pushtetit mes Lëvizjes Vetëvendosje dhe Lidhjes Demokratike të Kosovës nuk po mund të përfundohen, një marrëveshje e koalicionit mes dy partive tani është larg pasi nuk po mund të arrihet vetëm për shkak të problemeve për ndarjen pozitat e larta shtetërore, shkruan Gazeta Metro.

Nga Lëvizja Vetëvendosje po deklarojnë se nga pozita e kryetarit të Kuvendit të Kosovës, Glauk Konjufca nuk do të jap dorëheqje, vendimi i tyre nuk do të kthehet mbrapa.

Kështu po deklarojnë zyrtarët e Vetëvendosjes nëpër debatet televizive, ku deputeti Arbër Rexhaj dhe zëvendëskryeministri i propozuar në qeverinë Kurti, Haki Abazi, kanë deklaruar se VV nuk do të rikthehet mbrapa, pasi Konjufca është zgjedhur edhe me votat e LDK’së.

Në anën tjetër në T7, deputeti i VV’së, Hekuran Murati ka deklaruar se partia që përfaqëson ai nuk mund të shpik pozita dhe do të manovrojnë me ato ekzistuese.

Kujtojmë se Lidhja Demokratike e Kosovës po kërkon me ngulm pozitën e Kryetarit të Kuvendit, pozitë kjo që do të mbahet deri më 2021, pastaj të ndërrohet me atë të presidentit.

Ndryshe, lideri i VV’së, Albin Kurti ka edhe 4 ditë kohë për të formuar qeverinë e re, pasi është caktuar si mandatar i i ri i qeverisë.