Vetëkënaqësia e zyrtarëve të VV në Podujevë, tentojnë të bëjnë humor, por gjendja në terren thotë ndryshe

Vetëkënaqësia e zyrtarëve të Vetëvendosjes në Podujevë ka dalë në pah ditëve të fundit, ku në vend se të adresojnë problemet reale me të cilat përballet qyteti, ata janë përpjekur t’i zbusin kritikat me humor dhe “selfie” propagandistike.

Gjithçka nisi mbrëmë, kur kandidati i LDK-së për kryetar, Ekrem Hyseni, në një debat publik, i doli përballë kryetarit aktual Shpejtim Bulliqi. Ky i fundit shfaqi një fotografi të një çerdheje në ndërtim, duke e prezantuar si projekt në realizim, ndërsa Hyseni reagoi duke e cilësuar atë si thjesht “photoshop”, pasi objekti nuk ishte përfunduar.

Në vend që ta sqaronin situatën, sot disa zyrtarë të kabinetit të Shpejtim Bulliqit publikuan disa selfie para objekteve komunale, duke tentuar me ironi të paraqesin idenë se “edhe këto janë photoshop”. Por, sipas analistëve lokalë, kjo përpjekje ironike nuk i bind qytetarët, të cilët më shumë e shohin si një tentim për të mbuluar gjendjen e rëndë në terren.

Ajo që duket se u “harrua” nga zyrtarët e VV-së është fakti se tre raportet e fundit i auditorit për Komunën e Podujevës ka ngritur shqetësime serioze për menaxhimin financiar. Për më tepër, Prokuroria e Shtetit i ka konfirmuar PodujevaPRESS-it se një numër i madh rastesh të dyshuara për keqpërdorime janë ende nën hetim.

Po ashtu, sipas të dhënave për tenderët, në perafersisht mbi 400 procedura të fundit fitues kanë dalë operatorët me çmimet më të larta duke nxitur dyshime për keqpërdorime me vlera milionëshe.

Në këtë kontekst, sjellja e zyrtarëve të VV-së me humor e selfie shihet nga qytetarët si një “humor i zi”, që më shumë dëshmon për krizën e thellë të menaxhimit dhe mungesën e përgjegjësisë, sesa për ndonjë sukses real në qeverisjen lokale.