Podujevë: I mituri kapet në flagrancë me armë zjarri, përfundon në Polici
Veseli për pronat e AKP-së: Do të respektohet vendimi i kushtetueses
Kryetari i Kuvendit të Kosovës, Kadri Veseli ka deklaruar se Serbia po jep para të mëdha për t’i bindur vendet e caktuar për të votuar kundër anëtarësimit të Kosovës në Interpol, megjithatë është shprehur optimist që kësaj radhe Kosova do të pranohet në këtë institucion të sigurisë.
Veseli këto komente i bëri pas mbledhjes së kryesisë, ku tha se gjatë kësaj jave do të mbahen dy seanca parlamentare.Sipas tij, komisionet parlamentare janë duke punuar mirë dhe se gjatë këtij viti janë miratuar 65 projektligje.
Në lidhje me pronat e AKP-së që i janë dhënë në shfrytëzim komunave serbe, ai tha se nëse ka pasur gabime, ligji do të merret me këtë çështje
Veseli duke komentuar mundësinë që nesër Kosova të anëtarësohet në Interpol, është shprehur optimist se një gjë e tillë do të ndodh. Megjithatë ka deklaruar se Serbia, është duke tentuar në vazhdimësi për të penguar një gjë të tillë.
Ai madje është shprehur i bindur se do të ndodh transformimi i FSK-së në ushtri, megjithatë nuk ka dhënë datë të caktuar. Sipas tij, kjo do të ndodh shumë shpejt dhe në partneritet me bashkësinë evropiane./kp
