Vdes 16-vjeçari nga Podujeva në Gjermani, Kryetari i Podujevës i shpreh ngushëllime familjes

Kryetari i Komunës së Podujevës, Shpejtim Bulliqi, i ka shprehur familjes Mustafa ngushëllime për vdekjen e anëtarit 16-vjeçar në Gjermani.

Bulliqi, me anë të një postimi në ‘Facebook’, është shprehur i pikëlluar për humbjen e 16-vjeçarit nga fshati Peran i Podujevës.

“Më pikëlloi shumë lajmi për vdekjen tragjike të djaloshit 16 vjeçar, Roni Mustafa, nga fshati Peran i Podujevës, i cili humbi jetën aksidentalisht në Gjermani, ku edhe jetonte bashkë me familjen e tij.

Në këto momente pikëllimi, ndaj dhimbjen me familjen Mustafa dhe gjithë farefisin.

Ju shpreh ngushëllimet më të sinqerta për këtë humbje të madhe familjes Mustafa dhe gjithë atyre që e kanë njohur të ndjerin!”, ka thënë ai.