Ushtria e Kosovës trajnim në hapsirat e liqenit të Batllavës

Komuna e Podujevës njofton qytetarët që nga data 26.07.2021 deri më 28.07.2021, Regjimenti i tretë i këmbësorisë, Kazerma Minatori e sistemuar në Mitrovicë, sipas planit vjetor të punës  do të mbaj trajnimin “Patrulla luftarake – Kalimi i zonave ujore” në nivel kompanie.

Zona e realizimit të këtij trajnimi do të jetë Komuna e Podujevës, saktësisht hapësirat e liqenit të Batllavës dhe fshati Koliq.

Duke pasur parasysh natyrën e këtij trajnimi, njoftojmë qytetarët se gjatë ditëve sa do të zgjatë trajnimi do të ketë lëvizje të shtuar të personelit dhe automjeteve ushtarake në këtë zonë.