Ushtarët e Kosovës në shërbim të qytetarëve, ja çfarë shpërndan sot në Podujevë |Foto

Ushtarët e  Forcave të Sigurisë së Kosovës sot janë parë duke shpërndarë maska anti-COVID falas në Podujevë.

Prestarët e FSK-së janë parë sot te “Sheshi i Dëshmorëve” duke shpërndarë maska falas për qytetarët, në mënyrë që të mbrohen nga përhapja e koronavirusit, raporton PodujevaPRESS.net.

Qytetarët duket se e kanë mirëpritur këtë veprim të FSK-së, për çka edhe i falënderonin.

Kosova ka disa ditë që është duke u përballur me rritje të numrit të të infektuarve brenda 24 orëve, ku si pasojë e kësaj Qeveria e Kosovës ka marrë masa shtrënguese, duke ndaluar dasmat dhe ahengjet e tjera dhe ka mbyllur klubet e natës, ndërsa ka shkurtuar deri në orën 22:30 orarin e punës së gastronomisë.