U shënua 40-vjetori i themelimit të Shkollës “Naim Frashëri” në Podujevë

Në manifestimin e organizuar për nder të shënimit jubilar të Ditës së SH.F.M.U “Naim Frashëri”, ku ishin të pranishëm nxënësit dhe personeli arsimor, në këtë manifestim nga Komuna e Podujevës morën pjesë drejtori i Arsimit, Avni Fetahu dhe drejtori për Kulturë, Rini dhe Sport, Pajtim Balaj.

Me këtë rast drejtori Fetahu uroi nxënësit dhë mësimdhënësit për ditën e shkollës dhe foli për historikun e shkollës dhe figuren e rilindasit Naim Frashëri, kjo datë shënon datëlindjen e rilindasit Naim Frashëri, datë që përkon edhe me ditën e kësaj shkolle.

Drejtori Fetau foli për investimet që janë bërë në arsim dhe u zotua për angazhim maksimal në realizimin e projekteve si: digjitalizimi i shkollave, ndërtimi i infrastrukturës moderne nëpër shkolla dhe pajisja e të gjitha shkollave me kabinete dhe salla të ndryshme, me biblioteka dhe ambiente sportive.

Drejtori i shkollës, Besnik Uka, duke i falënderuar të gjjithë të pranishmit për pjesëmarrjen, foli për hisorikun, sfidat dhe sukseset e shkollës “Naim Frashëri”.

Me shënimin e ditës së shkollës “Naim Frashëri”, u shfaq një program i pasur artistik i përgatitun nga nxënësit dhe mësimdhësit e shkollës.