U shënua 25 vjetori i Betejës së Kaçanollit

Komuna e Podujevës në bashkëpunim me shoqatat e dala nga lufta e UÇK-së, ka mbajtur manifestim përkujtimor  dhe homazhe për 25 vjetorin e betejës së lavdishme të Kaçandollit.

Aktivitetet për shënimin e 25 vjetorit të Betejës së Kaçanollit, filluan  me homazhe dhe vendosjen e luleve te Kompleksi Memorial i Dëshmorëve të ZOLL-it në Penuhë, i prirë nga nënkryetarja Marigona Lahu, dhe vazhduan më manifestimin qendror te lapidari i dëshmorëve të ZOLl-it në fshatin Kaçanoll, me kryetarin e komunës së Mitrovicës, Bedri Hamza, nënkryetarin Arian Tahiri, deputetë, shoqata të dala nga lufta e UÇK-së, veteran dhe familje të dëshmorëve.

Nënkryetarja Lahu në një fjalë rasti tha se “Në këtë ditë të dhimbjes, krenarisë dhe sakrificës sublime të popullit të kësaj ane me në krye Ushtrinë Çlirimtare të Kosovës, e cila me luftën e paparë deri atëherë kundër një okupatori çfarë ishte Serbia, tregoi se ishte forcë e organizuar dhe e udhëhequr nga djemtë dhe vajzat më të mira të këtij populli dhe e cila kishte vendosur dhe ishte betuar se do të luftonte deri në ushtarine  fundit për të dëbuar okupatorin nga këto troje”. 

Fjalë rasti mbajtën edhe kryetari i komunës së Mitrovicës, Bedri Hamza, ish komandanti i FSK-së,  Kadri Kastrati, udhëheqësi i Betejës Selim Haziri –Bekria, përfaqësuesi i organizatave të dala nga lufta e UÇK-së, Xhemshit Gashi, duke e vlerësuar lartë sakrificën dhe veprën e dëshmorëve të rënë në Betejën e Kaçanollit.

Manifestimi u pasura me një pikë muzikore në nderim të UÇK-së, nga këngëtari Behxhet Zeka dhe me valle nga Ansambli “Flaka e Llapit”.

Në fund të manifestimit u bën homazhe pranë lapidarit të dëshmorëve të Betejës së Kaçanollit.