U rrëzua para një jave, qytetari nga Podujeva vdes në QKUK

Policia e Kosovës ka bërë të ditur se dje ka ndërruar jetë një person në QKUK, i cili kishte pësuar lëndime më 17 janar në rrugën ‘Gërvalla’ në Obiliq.

“Raportohet se viktima mashkull K/Shqiptar derisa kishte qenë duke e mbuluar një kamion aksidentalisht ishte rrëzuar dhe kishte pësuar lëndime,  ai ishte dërguar për tretman mjekësor në QKUK.  Si pasojë e lëndimeve me datën 22.01.2018 viktima kishte ndërruar jetë në repartin e kujdesit intensiv në QKUK”, thuhet në raport.

Nga burimet e Podujeva PRESS mësojmë se personi që ka humb jetën është nga fshati Llapashticë e Eperme të Podujevës.