U përuruan mbi 20 km ndriçim publik në Gllamnik dhe Konushec

Kryetari i Komunës së Podujevës, Shpejtim Bulliqi, bashkë me banorët e fshatarve Gllamnik dhe Konushec kanë bërë përurimin e ndriçimit publik në disa prej lagjeve, rrugëve dhe rrugicave në këto dy fshatra.

Lagjet që u përuruan me ndriçim publik janë: lagjja e Obrazhve me 2 km, lagjja Sekiraça me 4 km, lagjja Breznica 2.5km, lagjja 5 dëshmorët me 2.5 km, lagjja e Arbanashve me 5 km, si dhe në fshatin Konushec u përurua ndriçimi publik rreth 3 km.

Kryetari Bulliqi tha se “ditëve dhe javëve në vazhdim do të përfundojë shtrirja e ndriçimit publik edhe në shumë fshatra, lagje të tjera, e do të përfshihen edhe rrugë e rrugica të reja nga kursimet buxhetore që kemi bërë”.

Kryetari Bulliqi uroi gjithë banorët dhe premtoi që do të vazhdojë me punë e shërbime ndaj qytetarëve pa dallim.