U miratua lista e veçantë e pronave të paluajtshme të Komunës së Podujevës që planifikohen për dhënie në shfrytëzim gjatë vitit 2022

Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi, Hilmi Hoxha, e ku ishte i pranishëm edhe kryetari i Komunës, Shpejtim Bulliqi, nënkryetarja e Komunës, Marigona Lahu dhe drejtorët e drejtorive, njofton PodujevaPRESS.net

Propozim vendimi për miratimin e Listës së veçantë të pronave të paluajtshme të Komunës që planifikohen për dhënie në shfrytëzim gjatë vitit 2022 u prezantua nga drejtoresha e drejtorisë Pronë, Kadastër dhe Gjeodezi, Bahrije Mehmeti, ku foli për rëndësinë dhe mundësinë e kësaj liste tek qytetarët të cilët dëshirojnë të shfrytëzojnë këto prona. Kjo pikë e rendit gjeti mbështetjen e këshilltarëve dhe u miratua.