U mbajtën takimet e Kulturës “Kadri Kadriu”

Drejtoria për Kulturë, Rini dhe Sport, përgjatë tre ditëve ka organizuar aktivitete në kuadër të takimeve “Kadri Kadriu”, duke filluar me koncertin e Kuartetit Frymor të Klarinetëve, vazhduar me ekspozitën individuale të piktorit Ahmet Gashi, dhe orën letrare për çmimin Afrim Maliqi dhe ndarjen e çmimeve të konkursit letrar në të cilën morën pjesë kryetari i komunës, Shpejtim Bulliqi, drejtori i drejtorisë për Kulturë, Rini dhe Sport, Pajtim Balaj dhe artdashës nga vende të ndryshme.

Kryetari i Podujevës Shpejtim Bulliqi u shpreh i lumtur që kjo ngjarje nga viti në vit po rritet për nga përmasat nga kualiteti, duke afirmuar  vlerat e krijimtarisë kulturore dhe artistike të llapjanëve, ku janë defiluar krijues nga të gjitha trevat shqiptare, traditë e bukur, e cila mëton të respektojë kulturën dhe artin poezinë dhe krijuesit e saj.

Në manifestimin “Kadri Kadriu” u ndanë edhe çmimet më të mira;

Vendi i parë; Hamit Majkofci me poezinë “Atdhe”, vendi i dytë; Naime Beqiraj me ese për Llapin e Ali podrimes, vendi i tretë; Vlora Konushevci me poezinë “Në kohna si këto” dhe çmimin “Afrim Maliqi” e fitoi Jonida Sheholli me poezinë “Ti humbe në këtë vjeshtë”.

Ndërsa çmimet inkurajuese shkuan për: Arbërie Ademi, Norë Canolli, Albiona Januzi, Ardit Sejdiu dhe Leonora Lokaj.