U mbajt debat publik për Projektin e Hartës Zonale të Komunës së Podujevës |PAMJE

Në Komunën e Podujevës, sot është mbajtur debat publik me qytetarë dhe profesionistë të fushës për Projektin e Hartës Zonale të Komunës së Podujevës për periudhën 2020-2028, njofton zyra për informim e kësaj komune, transmeton PodujevaPRESS/.com

Në debatin e mbajtur në sallën e mbledhjeve të Kuvendit (objekti i vjetër i Komunës), në mungesë të drejtorit të Planifikimit Urban dhe Mbrojtjes së Mjedisit, Projektin e Hartës Zonale e ka prezantuar drejtori i Inspeksionit, Durim Salihu, thuhet në njoftim.

Në prezantimin e këtij dokumentui ishin të pranishëm edhe anëtarë të grupit punues nga Komuna e Podujevës dhe organziata gjermane GIZ.

Gjatë perezantimit u tha se hartimi i këtij dokumenti të rëndësishëm ka kaluar në disa faza, duke përfshirë takimet me qytetarë në zonën urbane dhe rurale të komunës së Podujevës, si dhe takimet e rregullta me drejtoritë komunale, me përfaqësuesit e grupeve të interesit, shoqërisë civile, bizneseve dhe kompanive publike, duke siguruar gjithëpërfshirje në hartimin e saj.

Pjesëmarrësit në debat shtruan pyetje dhe bënë propozime të ndryshme lidhur me Projektin e Hartës Zonale të Komunës së Podujevës për periudhën 2020-2028.

Harta Zonale e Komunës është një dokument multi-sektorial që përcakton hollësisht kategorinë e tokës, llojin, destinimin, shfrytëzimin e planifikuar të hapësirës dhe masat e veprimit, të cilat bazohen në kohëzgjatje dhe projeksione të arritshme të investimeve publike dhe private për tërë territorin e Komunës, për një periudhe tetë vjeçare.

Në bazë të vendimit të Kuvendit të Komunës, në mbledhjen e mbajtur më 31.01.2019, është vënë në diskutim publik Projekti i Hartës Zonale të Komunës së Podujevës për periudhën 2020-2028, i cli do të zgjasë deri më 04.03.2020.