Vdes mamia llapjane Sanije Topanica, iu ndihmoi grave në lindje gjatë luftës
U mashtrua për të bërë foto në një studio, kidnapohet dhe vendoset në shitje online
Një grup i cili ‘rrëmbeu dhe drogoi një modele britanike për ta shitur si skllave të seksit’, u lavdëruan që e lanë atë të lirë sepse ishte nënë, tha policia italiane.
Gruaja, 20 vjeçe, u josh për të bërë një foto sezion në Milano, por kur arriti në një studio të rrejshëm në qytet, ajo u sulmua nga dy burra të cilët e detyruan të merrte drogë.
Ajo më pas u fut në një veturë dhe u dërgua disa kilometra larg, për t’u vendosur më pas në shitje online për më shumë se 300,000 euro, thuhet sipas policisë, transmeton Gazeta Express.
Por grupi i krimit të organizuar i njohur si ‘Vdekja e Zezë’ tha se kishin bërë “gabim” që e kishin rrëmbyer atë pasi që ajo kishte një fëmijë të vogël, gjë që është kundër rregullave të tyre.
Ata më pas e lanë të lirë atë, por i thanë se do të “eliminohej” nëse do t’i tregonte dikujt për ndodhinë.
Modeles i ishte dhënë një letër para se të lihej e lirë, e cila u gjet nga policia teksa po kërkonin kompjuterët në hetim.
Në letër thuhej: “Bëmë gabim që të kapëm ty, sidomos duke e konsideruar se je një nënë e re”.
Ajo u detyrua të mos fliste për atë që ndodhi dhe të paguante 50,000 euro.
