U largua nga rendi i ditës pika ku lejohej të punojnë bizneset edhe ditëve të diela në Podujevë

Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi, Hilmi Hoxha, e ku ishte i pranishëm edhe kryetari i Komunës, Shpejtim Bulliqi, nënkryetarja e Komunës, Marigona Lahu dhe drejtorët e drejtorive, njofton PodujevaPRESS.net

Me kërkesën e këshilltarit të Kuvendit Bashkim Syla (PDK) u largua nga rendi i ditës pika 16, Propozim vendim për pezullimin e dispozitave të nenit 5 paragrafët 1.3; 2.3 dhe 4.4, nenit 6 paragrafi 4, nenit 7 paragrafi 2, nenit 9 paragrafi 1.3, nenit 12 paragrafi 2, nenit 15 paragrafi 2.4, nenit 16 paragrafi 2.3, dhe nenit 17 paragrafi 2 të Rregullores nr.prot.01-311/05-0007450/20 për orarin e punës së bizneseve në territorin e Komunës së Podujevës të datës 31 janar 2020, propozim vendim i njëjtë me atë të vitit 2021, me të vetmin ndryshim që pezullimi i neneve të cekura të bëhet deri në nxjerrjen e Rregullores së re.