Trump sanksionon Gjykatën e Hagës

Presidenti amerikan Donald Trump ka nënshkruar një urdhër ekzekutiv për vendosjen e sanksioneve ndaj Gjykatës Ndërkombëtare Penale (ICC).

Urdhri i nënshkruar nga Trump e akuzon gjykatën për “veprime të paligjshme dhe të pabaza kundër Amerikës dhe aleatit të saj të ngushtë Izraelit”.

Kjo masë parasheh vendosjen e kufizimeve financiare dhe të vizave për individët dhe familjet e atyre që e asistojnë ICC-në në hetimet ndaj qytetarëve ose aleatëve të SHBA-së.

Trump e nënshkroi urdhrin gjatë një vizite në Uashington të kryeministrit izraelit Benjamin Netanyahu.

Nëntorin e kaluar, ICC lëshoi ​​një urdhër arresti për krime të dyshuara lufte në Gaza ndaj Netanyahut, të cilin Izraeli e mohon. Një urdhër-arrest u lëshua gjithashtu edhe ndaj komandantëve të Hamasit.