Tronditet LDK-ja ndaj afërsisë së Vjosa Osmanit me Albin Kurtin

Vjosa Osmani, ish-kandidatja për kryeministre, po del të jetë një problem i madh në partinë e saj.

Pas zgjedhjeve afërsia  e saj me liderin e Vetëvendosjes Albin Kurti, ka tronditur zyrtarët e LDK-së, raporton veriu.info

Osmani takimet  me Kurtin i quan çdoherë rastesi, ajo u pa bashke me Kurtin në ceremoninë e shënimit të 20 vjetorit të miqësisë dhe partneritetit Kosovaro – Gjerman, organizuar nga Ambasada e Gjermanisë në Kosovë, GIZ dhe Kfw.

Poashtu Osmani u pa bashkë me Kurtin edhe  në  Kuvendin e Kosovës ku janë regjistruar të premten njëkohshëm në Kuvend, si deputetë të legjislaturës së shtatë.

Burime të veriu.info brenda LDK-së mësojnë se Vjosa kishte marrë kritika të mëdha nga zyrtarë brenda partisë për afërsinë e saj me Kurtin.

Nënkryetari i LDK-së dhe njeri me ndikim të madh në LDK Agim Veliu, i ka thënë “Kohës Ditore” hapur se këto “rastësi” të Osmanit me Kurtin janë kthyer në përditshmëri, duke lënë të kuptohet se nuk po pëlqehen aspak nga zyrtarët e partisë.

Ai  nëpërmjet mesazhit me rastin e regjistrimit në Kuvend, ish-kandidatja për kryeministre do që ta vë në presion LDK-në, për të lidhur marrëveshje koalicioni me LVV-në.

“Ajo duhet t’u japë sqarim votuesve të LDK-së se çka po do të japë mesazh me këto rastësi. Sipas gjykimit tim, nëse dikush merr obligime që nuk i takojnë, aty komplikohet situata”, ka thënë Veliu. “Ne është dashtë me i bë presion atij (Kurtit v.j.), me punu sa më shumë, në mënyrë që sa më shpejt me u bo qeveria” tha Veliu.

Ndryshe LDK dhe VV po vazhdojnë takimet e tyre deri në arritjen e marrëveshjes për formimin e qeverisë./Veriu.info