Trajneri i Llapit Fadil Ademi paralajmëron largimin

Fadil Ademi nuk do të vazhdojë gjatë ta drejtojë Llapin. Tekniku lipjanas që debutoi sot me llapjanët si ushtrues detyre i trajnerit pas shkarkimit të Bylbyl Sokolit, ka thënë se ka kërkuar nga kryesia që ta gjejnë një ‘timonier’ të ri, pasi ai ka angazhime që nuk mund ta japë maksimumin në pozicionin aktual, shkruan Gazetasheshi.com.

“U kam thënë kryesisë që duhet ta gjejnë një trajner për shkak të angazgimeve që kam me një punë tjetër. Do të jem ushtrues detyre i trajnerit derisa të vijë trajneri i ri”, është shprehur Ademi.

Ndryshe, drejtori i klubit, Tahir Batatina është në kërkim të një trajneri të ri, por deri më tash nuk ka asgjë konkrete. /Gazeta Sheshi/