Tragjike: Vritet një person

Një person është qëlluar me armë zjarri në fshatin Banjë të Malishevës.

Rastin për Paparacin e ka konfirmuar zëdhënësi i policisë, Sheremet Elezaj, i cili ka treguar se rreth orës 7:15, është raportuar se një person është gjetur pa shenja jete dhe se dyshohet se është qëlluar me armë.

Ai ka thënë se ekipi mjekësor ka konstatuar vdekjen e tij në vendin e ngjarjes.

Tutje, Elezaj ka thënë se i dyshuari, është dorëzuar në Stacionin Policor në Malishevë, dhe nga hetimet e para dyshohet se i njëjti ka qëlluar viktimën për motive të panjohura.

“Një person, po ashtu mashkull i moshës madhore, është dorëzuar në Stacionin Policor në Malishevë dhe nga hetimet e para dyshohet se i njëjti, për motive ende të panjohura, ka qëlluar viktimën me armë zjarri”, ka thënë Elezaj. 

Njësitet e nevojshme policore dhe prokurori i shtetit kanë dalë në vendin e ngjarjes dhe janë duke u ndërmarr veprimet e nevojshme hetimore.