Kandidati i Partisë Demokratike të Kosovës për kryetar të Prizrenit, Shaqir Totaj, i shoqëruar nga kreu i PDK’së, Kadri Veseli, dhe kandidatët e partisë për asamblistë në Prizren, është pritur sot nga qindra përkrahës në dy prej lagjeve që ai i ka cilësuar si më të rëndësishmet e qytetit.

Në Ortakoll dhe Tabakhane, Totaj ka prezantuar vizionin e tij prej 55 zotimeve.

Ai ka premtuar ekonomi më të zhvilluar, ujë 24 orë, lirim të hapësirave publike, parkingje të reja, promovim të trashëgimisë e turizmit dhe rritje të investimeve në arsim, shëndetësi, sport dhe bujqësi.